La PEGA consista d`ina gruppa da dunnas, che semetta en per ils affons da Sagogn. Ella porscha in per ga el onn differentas occupaziuns per il temps liber. Tier eveniments spezials dalla baselgia sustegn la PEGA il plevon, cun gidar da crear il survetsch divin ensemen culs affons. Seigi quei cun decorar candeilas per la fiasta da Pastgas ni cun tarscholas fatgas sez, per il survetsch divin el liber cun brunch.
Tier las activitads dalla PEGA s`audan era suentermiedis da zambergiar e giugs, lotto d`affons, presentaziuns da film, in stand da zambergiar al marcau dil vitg, bazar da Pastgas, zambergiar tschupials d`advent ed auter. Il grond project che la PEGA ha organisau ei stau in camp da tendas da dus gis si Plaun Pigniel. 30 affons han priu part ed han saviu passentar in legher temps cun bial`aura.
Tier las occurenzas ein affons da tuttas confessiuns envidai.

persuna da contact:
Amanda Beeli
Via Suloms 1
7152 Sagogn
Tel. 081 921 25 05