adressa da contact:
Administraziun communala Sagogn
Uffeci da taglia
Via Vitg dado 27
7152 Sagogn
Tel. 081 936 68 11
Fax 081 936 68 13
contact per E-mail
declaraziun da taglia 2011
Per la inoltraziun dalla declaronza da taglia 2011 valan suandonts termins:
Ils 31 da mars 2012 per emploiai, scolars, students, pensiunai, persunas senza occupaziun sco era cuminonzas d`artavels.
Ils 30 da settember 2012 per independents, societads semplas e per persunas che vivan buca el cantun Grischun, han cheu denton in domicil da fatschenta.
Ils 30 da settember 2012 per persunas che vivan ordeifer dil cantun Grischun han denton cheu in`immobilia.
Per ulteriuras informaziuns pertucont taglia saveis vus ir silla webseite dalla administraziun cantunala da taglia ni dalla allianza da taglia Foppa
quotas da taglia
Taglias sin las entradas/ taglias sin la facultad
A Sagogn vala il pei da taglia da 120% dalla taglia cantunala sempla.
Taglia sin immobilias
La taglia sin immobilias ei 1% dalla valur fisicala dil schazetg ufficial.
Taglia da baselgia
La taglia dalla baselgia catolica ei 18%, la reformada 15%. Ella vegn calculada sebasond sil import dalla taglia cantunala.
Taglia sin midada da maun
La taglia sin midada da maun ei 2% dil prezi da vendita.
Taglia sin la vendida dad immobilias
La taglia sin gudogn dad immobilias vegn pretendida dalla vischnaunca e dil cantun. Ella ei 100% dalla taglia cantunala.
Taglia alla fontauna
Emploiai dil exteriur cun lubientscha da dimora ein obligai da pagar taglia alla fontauna.
Il patrun da lavur ei obligaus da tarmetter agl uffeci communal da taglia il rendaquen.
Termins da scuntrar quen
Per menaschis stagiunals:
ils 15 da matg (stagiun d`unviern).
ils 15 da november (stagiun da stad)
Per ulteriurs menaschis:
ils 31 da fenadur per il emprem semester
ils 31 da schaner per il secund semester
Termins d`inoltrar
Las taglias reservadas ni incassadas sto il debitur (la firma) pagar tochen sil pli tard 15 gis suenter ch`el a tarmess il rendaquen agl uffeci communal da taglia.
Il formulars necessaris per la taglia alla fontauna saveis vus empustar tier nus cun
in E-mail.
taglia da tgauns
Taglia da tgauns
La taglia per igl emprem tgaun cuosta frs. 90.-. Mintga ulteriur tgaun ella medema casada cuosta frs. 130.-, vitier vegnan frs. 10.- taxa da canzlia.
Tenor il regulativ da tgauns dalla vischnaunca da Sagogn ein ils possesurs obligai d`annunziar lur animals mintg`onn tochen il 28 da fevrer.