Arrivada
L`annunzia sto vegnir fatga persunalmein enteifer 8 gis (Art.2 lescha davart la dimora dils Svizzers). Domicil a Sagogn ha, tgi che ha affitau cheu ina combra ni ina habitaziun e che ha dimora duront l`jamna. Era dimorants duront l`jamna ston s`annunziar.

Da presentar ein:

• scret da patria (sche dimora a Sagogn sco emprem domicil )
• attestat da domicil (tier dimora duront l`jamna a Sagogn)
• cudischet da famiglia (tier l`arrivada dall`entira famiglia)
• cudischet da survetsch militar ni da schurmetg zivil

La taxa per l`annunzia e la quittanza per ils documents deponi cuosta frs. 20.00
La taxa d`annunzia per dimorants duront l`jamna cuosta frs. 30.00

Midadas d`adressa enteifer il vitg
Sche vus mideis casa enteifer il vitg sto quei vegnir annunziau enteifer 8 gis alla controlla da habitonts. Per far quei haveis vus las suandontas pusseivladads:

• Vus communicheis la midada d`adressa telefonicamein (t. 081 936 68 11)
• Vus tarmetteis a nus in E-Mail
• Vus s`annunzieis persunalmein al spurtegl dalla canzlia

Partenza
Sche vus banduneis Sagogn sto quei vegnir annunziau alla controlla da habitonts sil pli tard il gi dalla partenza. Encunter la presentaziun dalla quittanza per ils documents deponi survegnis vus vos documents.