Uniun da pescadurs
La uniun da pescadurs dat ei dapi ils 8 da zercladur 1968, ella era gia pli baul renomada per sia solidaritad e las activitads. Era oz ha la uniun in bien program annual. Mo ils davos onns muncavan novs e giuvens commembers. Era dunnas fussan beinvesidas.
Commembers:
La uniun ha entuorn 20 pescadurs activs ed ca. medem bia comembers passivs.
Activitads:
Seras da dar heighels per las familias:
En ina patgifica runda vegni dau per il buccal ambulont, ei vegn magliau e buiu. Il bia pren Alex Kilchmann sia harmonica ed envida da cantar en cuminonza.
Radunonza generala:
Ina ga ad onn sto ella esser. Ei vegn discutau sur da bia caussas. Donn eis ei che la glieud maunca sch`ei va per elecziuns.
Schubergiar il puoz:
La primavera vegn il puoz schubergiaus per la tratga da litgivas. Ils pigns peschs survegnan da magliar duront l`entira stad tochen igl atun, lu vegnan els mess ora en dutgs dalla regiun.
Concurenza da pescar:
L`entschatta da stad sepreparein nus per la occurenza da pescar. Naven dallas 5.00 tochen las 15.00 vegn ei pescau sco selvadis. Suenter dat ei ella ustria Stiva Grischuna ina fiasta cun mesirar ils péschs, rangaziun, silsuenter vegni magliau la preda.
In di sper il lag/ viadi:
Mintga onn organisescha l`uniun da pescar in cumadeivel di sper il lag ni schizun in viadi da dus gis. Leu ei buca il pescar la part principala mobein magliar, beiber, discutar e bialas cuntradas statten sil program.
Lotto:
Per survegnir daners ella cassa dall`uniun, organisescha la uniun da pescar mintg`auter atun in lotto. Leu gidan tut ils comembers, passivs schizun empau pli bia.
Ed ussa tier il pli niev:
He giuvens! Veis saviu che giuvenils astgan ussa schon pescar naven da 14 onns? Vegni ell`uniun da pescar, vus stueis tochen 18 BUCA pagar contribuziuns!!! Ei quei buca ina offerta?
Ins sa contactar nus per mail sin: