Nossa nova plevonessa
Bien Gi. Jeu hai num Bigna Hess e naven dils 25 d`october sun jeu la nova plevonessa dalla pleiv reformada Sagogn/Laax/Falera. Carschida si sun jeu el cantun Turitg, nua ch`jeu hai era studegiau teologia.
Suenter haver finiu miu studi alla universitad, hai jeu absolviu mia scolaziun pratica sco plevonessa ad Erlenbach ed al «Grossmünster». En quellas duas differentas pleivs hai jeu saviu rimnar bia experienzas ch`jeu sperel da saver duvrar per mia lavur en nossa vischnaunca.
Igl ei ina casualitad che la plazza a Sagogn/Laax/Falera ei vegnida libra gest suenter mia ordinaziun sco plevonessa. Cunquei che miu tat e mia tatta ein oriunds da Vuorz e Sagogn eis ei per mei enzatgei special dad astgar luvrar cheu sco plevonessa.
Jeu selegrel da s`entupar con Vus ed era dils varionts pensums che spetgan mei.
Vus contonschis mei per telefon nr. 081 921 68 55, ni per mail: bigna.hess(at)gr-ref.ch
Salids cordials
plevonessa Bigna Hess
300 onns pleiv reformada Sagogn 1710-2010
Igl onn vargau ha la pleiv evangelica-reformada- Sagogn-Laax-Falera saviu festivar il 300avel anniversari dapi la fundaziun. Las fiastas giubilaras han giu liug ils 29-08-2010 ed ils 07-11-2010.
Per il mument dumbra la pleiv ca. 510 commembers, da quells habiteschan 277 a Sagogn, 237 a Laax e 46 a Falera. Igl uffeci parochial sesanfla a Sagogn ella casa pervenda Encarden, Via Vitg dadens 47. Il survetsch divin ei ella baselgia reformada a Sagogn. Mintga secund meins ha ei liug in survetsch divin a Laax Murschetg el oratori ecumen el center Signina.
La pleiv s`auda tier la baselgia evangelica-reformada dil cantun Grischun, e cunquei tier la Federaziun svizera dallas baselgias evangelicas (SEK). La baselgia reformada sevesa sco ina part dalla baselgia mundiala da Cristus, e mira da star en contact cun autras pleivs.
La pleiv ei leda dad esser dapi onns en bien contact culla baselgia catolica. En emtschinas classas vegn schizun instruiu ensemen la ductrina.
La baselgia reformada festivescha mintgaton in survetsch divin ecumeni. Era el sectur social dat ei ina collaboraziun.