Dapi igl onn da scola 2016/17 ei Ivana Derungs engaschada sco luvrera sociala en scola a Sagogn atras la Casa Depuoz.
Tgei porscha lavur sociala en scola? La lavur sociala…
- stat a disposiziun a tut ils affons (scoletta e primara), geniturs e persunas d’instrucziun
- ei voluntaria e gratuita
- ei suttamessa alla discreziun professiunala
- porscha in’ureglia aviarta
- cusseglia, sustegn e mediescha
- meina atras lavur da prevenziun en classas, p.e. pertuccont il tema sligiar conflicts ni mobbing
- intervenescha cul scolast ni la scolasta da classa en cass da problems ni conflicts en classa
- ei presenta en scola Sagogn
| Per scolaras e scolars | Per geniturs |
| Carplinas? Tema? Quitaus a casa? Surdumandaus ni surdumandada? Sesentas ti sepiars? Fas ti quitaus per in’autra persuna? Drovas enzatgi che teidla tier tei? S’annunzia tier mei | Haveis Vus l’impressiun che Vies affon semudregia? Essas Vus malsegirs? Haveis Vus il giavisch da sediscuorer cun ina persuna neutrala? S’annunziei tier mei |
Il biro da Ivana Derungs sesanfla el tract vegl dalla casa da scola tier la halla da gimnastica. Ella ei mintga mesjamna avonmiezdi en scola a Sagogn ed ei contonschibla per Vus duront l’entira jamna. Termins duront auters gis che la mesjamna ni ordeifer il temps da scola ein era pusseivels.
Veis Vus damondas? S’annunziei sut 078 889 87 43 ni ivana.derungs(at)casa-depuoz.ch
Impurtont: Ivana Derungs ei suttamessa alla discreziun professiunala e sa tractar Vos interess confidenzialmein.