La vischnaunca da Sagogn porscha dus abonnaments generals (carta dil di dalla vischnaunca) per la 2. classa. Aschia promova ella activamein il traffic public. Cun la carta dil di eis ei pusseivel da viagiar sin tut las rutas dalla viafier federala (SBB) e dalla viafier retica, cun autos da posta, cun viafiers privatas concessiunadas, cul traffic local els marcaus sco era cun ils biars menaschis da navigaziun en Svizra. Tier autocars e funicularas privatas vegn ei concediu parzialmein reducziuns. Detagls san vegnir dumandai tier mintga spurtegl dalla viafiers federalas VFF (SBB).
Stipulaziuns
Autorisaziun da cumpra
Autorisai ein persunas cun domicil en vischnaunca. Decisiv ei il domicil civil. A persunas d’ordeifer vegnan las cartas mo vendidas, sche quellas ein 14 gis avon datum da viagiar aunc buc reservadas.
Reservaziuns
Reservaziuns vegnan pridas encunter sil pli baul 90 gis avon il datum da viagiar. Empustaziuns prendein nus encunter electronicamein via internet (www.sagogn.ch ni https://www.tageskarte-gemeinde.ch), per telefon ed al spurtegl.
Retratga
Las cartas san vegnir retratgas tier la canzlia communala a Sagogn sil pli baul dus meins avon il datum da viagiar. La retratga ei pusseivla mo suenter il pagament en bar ni suenter l’entrada dil pagament. Per plascher risguardar ils temps d’avertura!
Impediment e sperdita
Ina returnada ni scumiada da cartas reservadas ei mo pusseivel tochen 30 gis avon il datum da viagiar. Cartas dil di empustadas e buca retratgas ston vegnir pagadas cun il prezi cumplein. Per perdita dallas cartas valeivlas surpren la vischnaunca negina responsabladad.
Prezi
Mintga carta cuosta frs. 45.–. Per cartas retratgas senza reservaziun in gi avon il datum da viagiar ni il gi dil viadi vala in prezi reduciu da frs. 40.– ni frs. 35.–.
Remarcas
In abonament da mesa taxa ei buc necessaris. La carta da junior ei valeivla. Ina midada da classa (dalla 2. ella 1. classsa) ei pusseivla mo al spurtegl dalla VFF.