Occurrenzas

Fiasta d’atun cun marcau, scargada d’alp ed afterparty a Sagogn
Sonda, ils 12 da settember 2026

• Menaschi da fiera naven dallas 10.00
• Menaschi d’ustria entochen las 23.00
• Pizza e paun dil pistrin (fuorn da lenn)
• Divertiment d’affons cun clown, casperet e sminca
• Scargada d’alp
• Gruppa da sunatibas da Glion
• Concert dalla band «K!ss Me» naven dallas 17.00
• Divertiment musical da «DJ SHABIZZ» naven dallas 17.30
• Afterparty el refugi naven dallas 23.00

La via da quartier ei serrada naven da vendergis, ils 11-09-2026 allas 19.00 tochen sonda, ils 12-09-2026 circa las 18.00.

Nus supplichein ils habitonts dalla Via Casut, Via sut Vilada, Via Starviz, Via Fraissen e dalla Via Streia da parcar lur autos sil parcadi public il vendergis-sera entochen sil pli tard allas 18.30. La via vegn bloccada da stans e d’ina tenda da fiasta.

Il parcadi public avon la casa da scola stat a tuts naven dils 11-09-2026 dallas 17.00 entochen ils 13-09-2026 allas 12.00 gratuitamein a disposiziun.

Nus engraziein gia oz a tuts per la beinvulientscha e la capientscha. Senza vies agid fuss ei buca pusseivel da menar atras la fiasta d’atun a Sagogn. Cordial engraziamtent!

sagognturissem

5.Turnier da golf da divertiment a Sagogn ils 13 da settember 2026

Envidai ein: tuts indigens da Sagogn, possessurs da habitaziuns da vacanzas sco era lur hosps (in hosp per participont) e possessurs da cartas da hosps

Cu: Dumengia, ils 13 da settember 2026, start ca. naven dallas 9.00 uras (start da canun, tuts entscheivan medemamein)

Fuorma da giug: Floridascramble

Alimentaziun: suandau dad in brunch ca. naven dallas 11.30 uras (exclusiv bubrondas)

Cuosts:

– per golfists CHF 30.00 (affons CHF 20.00)

– per buc-golfists e mo participaziun al brunch CHF 15.00

Finamira: Principal ei buca il resultat dalla runda da golf, mobein il bien divertiment ed il aschinumnau «plausch». Il turnier ei buca handicap efficients, segirtad sil plaz vegn spitgau.

L’occurrenza ha liug da mintg’aura.

Ils plazs per il turnier da golf ein limitai; annunzias entochen ils 11 da settember 2026, allas 12.00 uras via PC Caddie App. Alternativamein san annunzias era vegnir fatgas via mail ad info@bunavistagolf.ch ni telefon +41 81 921 34 64.

Cummissiun sagognturissem

L’entschatta digl onn havein nus tarmess ina damonda da sustegn per remplazzar la punt Val Mulin. Grazia al generus sustegn d’indigens, possessuras e possessurs da secundas habitaziuns sco era l’industria locala ein gia varga 45’000 francs vegni ensemen! A tut quels che han pagau ina donaziun seigi engraziau cordialmein! In tal sustegn secapescha insumma buca da sesez e nus appreziein quel fetg!

Dil reminent: Haveis Vus tarmess Vossa contribuziun via TWINT? Deplorablamein havein nus buca saviu ordinar correctamein il pagament alla donatura e donatur corrispundenta/corrispundent. Cunquei che nus vulein bugen era engraziar a Vus e nudar Vies num silla tabla da donaziuns, supplichein nus Vus da s’annunziar cuortamein tier nus per mail.

Actualmein ei la construcziun en plein moviment. Ils fundaments ein gia fatgs, e l’excursiun dalla punt veglia cun helicopter ei actualmein previda ils 10 d’uost. Deplorablamein ei il termin dependents dall’aura e dallas incaricas e vegn perquei confirmaus en cumparegliaziun spontanamein, aschia ch’ina communicaziun fa pauc senn.

Mo – aschigleiti che la fin dil baghetg ei previsibla, vegnin nus a planisar ina fiasta d’inauguraziun ed informar corrispundentamein convischinas e convischins, hosps sco era possessuras e possessurs da secundas habitaziuns.

Suprastonza communala Sagogn

La gronda parti cun disco en halla da gimnastica ed oldies bar el bunker ha liug sonda, ils 24 d’october 2026 a Sagogn. Cassa dalla sera avon liug.

Uniun da Giuventetgna Sagogn