Gia igl onn vargau ha la vischnaunca da Sagogn introduciu in scamond general da fiugs artificials. Muort la schitgira cuntinuonta ha la suprastonza communala cumpletau quella ussa per schurmetg da carstgaun, animal ed ambient cun in scamond absolut da far fiug.

Sigl entir intschess dalla vischnaunca – inclusiv il territori da habitar – vala perquei in scamond absolut da fiugs e da fiugs artificials.

Scumandai ein en special:
• grils da lenna e cotgla
• scalgias da fiug
• grilladas publicas

Lubiu resta da grillar cun grils da gas ni electrics enteifer il territori da habitar.

Il scamond da fiugs artificials gia existents cumpeglia da niev expressivamein era objects pirotecnics pli pigns cun flomma aviarta ni formaziun da sbrenzlas, per exempel candeilas miraculusas, fiugs da Bengal, vulcans, fiugs artificials da meisa, glischs romanas ni tizuns.

Davart midadas informein nus sco usitau el Fegl ufficial sco era sin nossa pagina-web.

Nus supplichein tuts urgentamein da setener consequentamein vid il scamond da far fiug e fiugs artificials. Nos uauls e praus ein il mument ordvart schetgs – gia ina pintga sbrenzla savess haver grevas consequenzas.

Nus fagein attent: Tgi che cunterfa al scamond sto tenor il cudisch cantunal da dretg e castitgs quintar cun in castitg.

Dapli informaziuns anfleis Vus cheu.

Suprastonza communala