Scamond da far fiug e d’inflammar fiugs artificials e rachetas
Muort la schetgadad dil davos temps ei il prighel da fiug fetg gronds. Las prognosas d’aura pils proxims gis vegnan probabel buca a midar enzatgei vid quella situaziun.
Perquei ha la suprastonza communala da Sagogn relaschau ad interim in scamond absolut da far fiug e d’inflammar fiugs artificials e rachetas pigl entir territori da vischnaunca. Cun ina sluccada dalla situaziun ei da quintar per suenter plievgias abundontas sur plirs gis.
Per donns che seresultan entras surpassaments dil scamond da far fiug ei mintga persuna sezza responsabla. Egl interess da nus tuts, supplichein nus da setener vid quellas prescripziuns.
Communicaziuns actualas pertuccont il prighel d’incendis d’uaul e scamond da far fiug anfleis silla pagina d’internet www.wald.gr.ch.
Sanaziun Via Suloms
Sanaziun Via Sum las Cuorts e Via Runs
Informaziun dils 25-06-2022 fusiun dallas vischnauncas Laax, Sagogn e Schluein
Uras d‘avertura specialas dall’administraziun communala e dall’informaziun turistica 2022
L’administraziun communala e l’informaziun turistica restan serradas ils suandonts gis:
Nossadunna d’uost
- Gliendisgis, ils 15 d’uost 2022
Numnasontga
- Margis, igl 01 da november 2022
Nadal/Daniev
- Gliendisgis, ils 26 da december 2022
- Margis, ils 27 da december 2022
- Vendergis, ils 30 da december 2022