Patertgar vinavon Sagogn – Perspectivas per nies vitg
Avertura exposiziun «Ustria Sil Plaz & Plaz Sutprei – in liug, biaras ideas»
Brat davart nies svilup dil vitg ed apero
Co savessen l’Ustria Sil Plaz ed il Plaz Sutprei sesviluppar egl avegnir? 27 students dalla Scola aulta specialisada dil Grischun ein sefatschentai cun quella damonda el rom da lur lavurs da bachelor. Diesch projects eligi vegnan ussa exponi a Sagogn.
La suprastonza communala envida cordialmein all’avertura dall’exposiziun cun brat davart il svilup dil vitg e silsuenter apero:
Venderdis, ils 30 d’october 2026, naven dallas 19.00 en halla plurivalenta Sagogn
L’occurrenza ha liug enstagl dalla radunonza communala previda oriundamein ils 30 d’october.
Sco emprem dattan la SAS Grischun ed ils proprietaris investa ellas ideas naschidas. Silsuenter arvin nus ensemen cul project Nossa Casa la vesta sin nies vitg: Tgei lein nus mantener, nua vesein nus schanzas e co duei Sagogn sesviluppar vinavon?
Nus selegrein sin in brat plein tensiun. Silsuenter midein nus communablamein ell’aula, arvin leu l’exposiziun ed envidein cordialmein agl apero.
L’exposiziun cun diesch projects students tscharni sa plinavon vegnir visitada ils suandonts temps ell’aula:
Sonda, ils 31 d’october 2026: 10.00–17.00
Dumengia, igl 1. da november 2026: 10.00–15.00 uras
Sagogn, 02-10-2026
Suprastonza communala Sagogn
Aboliziun scamond da far fiug el territori da habitar
Muort la situaziun dall’aura actuala ha la suprastonza communala aboliu il scamond da far fiug el territori da habitar. Ordeifer il territori da habitar vala denton vinavon igl scamond absolut da fiugs e da fiugs artificials.
Las fueinas publicas en vischnaunca restan aschia vinavon serrai.
Davart l’aboliziun dil scamond cantunal da far fiug decida igl uffeci d’uaul e prighels dalla natira dil Grischun. Decisiva per la situaziun cantunala ei la carta da prighel d’incendis d’uaul actuala digl AWN.
Nus fagein attent: Tgi che cunterfa al scamond sto tenor il cudisch cantunal da dretg e castitgs quintar cun in castitg.
Dapli informaziuns anfleis Vus cheu.
Suprastonza communala
Sanaziun dalla via communala Via Fanaus
Informaziun als habitonts 001 (25-03-2026)
Plazzal – Sanaziun Muleins (25-03-2026)
Informaziun als habitonts 003 (11-05-2026)
Informaziun als habitonts 004 (05-05-2026)
Plazzal – etappa 3 (20-05-2026)
Plazzal – etappa 4 (11-06-2026)
Plazzal – etappa 5 (18-06-2026)
Plazzal – etappa 6 (01-07-2026)
Plazzal – etappa 7 (18-08-2026)
Plazzal – etappa 8 (25-08-2026)
Plazzal – etappa 9 (15-09-2026)
Plazzal cuvrida – etappa 1 (09-10-2026)
Termins proximas radunonzas communalas
Las proximas radunonzas communalas han liug presumablamein ils suandonts termins:
Vendergis, 11-12-2026