Lavurs da cuvrida Via da Laax – serrada dalla via
En consequenza dallas lavurs da cuvrida ei la Via da Laax serrada naven dils 21 da settember entochen ils 25 da settember 2026 mintgamai naven dallas 07.15 entochen las 17:30 per tut traffic.
Per residents e residentas sco era il survetsch d’apport alla Via da Laax resta igl access lubius (naven dil vitg).
La pusseivladad d’untgir meina sur Schluein.
Nus rendein attents sin igl urari midau dil menaschi digl auto da posta via Schluein.
En cass da damondas san ins sevolver tier la vischnaunca da Sagogn:
- Telefon: +41 81 920 88 00
- Mail: info@sagogn.ch
Suprastonza communala Sagogn
Urari shuttle dils 21 – 25-09-2026 denter Sagogn e Schluein cun colligiaziun direcziun Laax e Glion
Aboliziun scamond da far fiug el territori da habitar
Muort la situaziun dall’aura actuala ha la suprastonza communala aboliu il scamond da far fiug el territori da habitar. Ordeifer il territori da habitar vala denton vinavon igl scamond absolut da fiugs e da fiugs artificials.
Las fueinas publicas en vischnaunca restan aschia vinavon serrai.
Davart l’aboliziun dil scamond cantunal da far fiug decida igl uffeci d’uaul e prighels dalla natira dil Grischun. Decisiva per la situaziun cantunala ei la carta da prighel d’incendis d’uaul actuala digl AWN.
Nus fagein attent: Tgi che cunterfa al scamond sto tenor il cudisch cantunal da dretg e castitgs quintar cun in castitg.
Dapli informaziuns anfleis Vus cheu.
Suprastonza communala
Sanaziun dalla via communala Via Fanaus
Informaziun als habitonts 001 (25-03-2026)
Plazzal – Sanaziun Muleins (25-03-2026)
Informaziun als habitonts 003 (11-05-2026)
Informaziun als habitonts 004 (05-05-2026)
Plazzal – etappa 3 (20-05-2026)
Plazzal – etappa 4 (11-06-2026)
Plazzal – etappa 5 (18-06-2026)
Plazzal – etappa 6 (01-07-2026)
Plazzal – etappa 7 (18-08-2026)
Plazzal – etappa 8 (25-08-2026)
Plazzal – etappa 9 (15-09-2026)
Termins proximas radunonzas communalas
Las proximas radunonzas communalas han liug presumablamein ils suandonts termins:
Vendergis, 30-10-2026
Vendergis, 11-12-2026