Introducziun obligaziun da taxas per parcar a cuorta durada
La radunonza communala dils 27-01-2023 ha cun grond surpli decidiu l’introducziun dall’obligaziun da taxas per parcar a cuorta durada naven dils 01-03-2023.
L’obligaziun da taxas vala per tut ils parcadis publics en vischnaunca.
General
Per il territori communal da Sagogn dat ei ina ura da parcar centrala. Quella sesanfla tier la casa da scola Sagogn.
L’ura da parcar pren encunter muneida e pagaments cun carta. Sigl entir territori communal sa vegnir pagau taxas da parcar digitalmein sur in smart-phone cun ils codes QR indicai.
Vid l’ura da parcar san ins sper bigliets da parcar era retrer cartas da parcar per in meins, bigliets da cuorsaliunga e lubientschas da carrar per las vias cun obligaziun da permissiun.
Taxas/lubientschas/bigliets
2 h = gratuit
+ 1 h = frs. 1.00
12 – 24 h = frs. 10.00
1 meins = frs. 60.00
bigliet da cuorsaliunga = frs. 12.00
lubientscha da carrar = frs. 15.00
Ei sto era vegnir priu in bigliet per il temps gratuit.
Restricziuns
Cartas da parcar per in meins ni per in onn valan mo sils suandonts parcadis:
– Punteglias
– Storta pintga