Sin las vias d`uaul el territori dalla punt Val Mulin tochen Tuora inclusiv Bargaus, Planezzas e Foppa eis ei scumandau dad ir cun auto. Ei dat exepziuns per purs e selviculturs. Quei scamond sebasa sin art. 15 dalla lescha d`uaul federala, art. 20 dalla lescha d`uaul cantunala sco e art. 16 dalla ordinaziun cantunala d`uaul.
Viadis che drovan negina lubientscha
– viadis tier tegias ni habitaziuns da vacanzas
– viadis da furniturs
– visitaders
Lubientschas per in onn
Mintgamai avon Pastgas survegnan ils possessurs dad immobilias el territori da Tuora ina lubientscha da carrar che vala sin lur num. Quella cuosta frs. 60.-.
Lubientschas per in gi
La vischnaunca Sagogn porscha denton era lubientschas da carrar per in gi. Quellas cuostan frs. 15.- ed ein da retrer sin canzlia communala (duront las uras da spurtegl).
Plirs autos per possesur d’immobilias
Sche in possessur d`immobilias ha plirs autos, sto mintgin ver ina lubientscha da carrar a Tuora.
Cultivaders da parcellas agricolas
Era quels drovan ina lubientscha, denton han quels da bien ina carta gratuita. Per lezza ston ins vegnir silla canzlia communala. Vehicels d`agricultura cun numras verdas drovan negina lubientscha.
Controlla da numeras d’auto
Tut las lubientschas da carrar ston ver si la numera d`auto, maunca quella astga la Securitas dar in castitg.
La Securitas ei autorisada da castigiar tut ils automobilists senza lubientscha da carrar, naven dalla punt da Bargaus!