La plazza da giugs e la plazza da grillar Plaun Pigniel sesanflan sin ina collina en in englar in tec sur il center dil vitg da Sagogn. La hetta construida da niev incl. meisas e bauns ei accessibla publicamain e sa vegnir prendida a tscheins dalla vischnanca per occurrenzas. La fueina endrizzada generusamein porscha bia plaz (gril ei avon maun), ultra da quei ha ei ina suosta cun maisa e bauns. Per affons dat ei ina tirolesa, ruschneras, ballabeinas, in percuors da sugas ed ina sablunera cun cuors d’aua. Da gis caulds porta il giug dall’aua dalla fontauna da trer frestgentada. Ad in gi perfetg per termegliar e grillar stat nuot pli enta peis!
Arrivada:
Fermada digl auto da posta Sagogn, Storta pintga
Parcadis sper la fermada dil bus
La senda da viandar meina sur in prau e tras in cuort toc uaul a Plaun Pigniel.