Videos explicativs per commembras e commembers novs da las autoritads
Per render attractiva resp. per facilitar l’entrada en in uffizi a commembras e commembers potenzials u novs da las autoritads, ha l’Uffizi da vischnancas laschà producir videos explicativs davart incumbensas e process communals. Ils videos explicativs da 2 fin 3 minutas duain dar in’emprima invista da las pli impurtantas incumbensas e dals pli impurtants temas en la suprastanza communala.
Ils tschintg videos èn disponibels en tuttas trais linguas chantunalas tant cun sco er senza suttitels. Ils videos cun suttitels pon vegnir consultads sin la pagina d’internet www.afg.gr.ch/vischnancas/infurmaziuns per las autoritads sco films da YouTube.