Ins sa annunziar occurrenzas cun quei formular via e-mail ad info@sagogn.ch.
Circus el mintgadi – show da finiziun 2025
Datum: Gievgia, ils 19 da zercladur e sonda, ils 21 da zercladur 2025
Liug da sentupada: Halla polivalenta a Sagogn
Temps: 17.30 Uras
Dapli informaziuns anfleis Vus cheu.
Scola da circus Surselva
Umbrivas sgulatschontas: excursiun miezmiur e miezutschi
Datum: Mesjamna, ils 25 da zercladur 2025
Liug da sentupada: Casa da scola a Sagogn
Temps: 20.00 – 22.30 uras
Dapli informaziuns anfleis Vus cheu.
Pro Natura Graubünden
Visitaziun dall’Alp S. Martin
Sonda, ils 28 da zercladur 2025 haveis Vus la pusseivladad da visitar l’Alp da Sagogn (Alp Sogn Martin).
La posta parta allas 09:32 uras naven da Sagogn Vitg via Laax Murschetg entochen l’Alp Nagens (arrivada allas 10:10 uras). Persunas carschidas cun la carta da hosps da Flem Laax Falera ni cun ina carta d’indigens dallas vischnauncas Flem, Laax, Falera, Trin e Sagogn pagan il prezi da mesa taxa.
Naven dall’Alp Nagens viandein nus ensemen entochen tier l’Alp Sogn Martin (durada ca. 30 min). Suenter la visitaziun e declaraziun dalla cascharia, datti in pign apero cun caschiel d’alp, vin e mineral. Vus astgeis era prender cun agen gentar, la pusseivladad da grillar ei dada.
Suenter il program ufficial ei il viadi anavos daus libers a mintgin. Ei dat p.ex. la pusseivladad da viagiar sur Nagens / Plaun / Flem ni cun la posta.
La visitaziun ha liug mo da bun’aura.
Cuosts
frs. 10.– / persuna per indigens e possessurs da cartas da hosps (excl. viadi cun posta)
frs. 20.– / persuna d’ordeifer (excl. viadi cun posta)
Annunzia
Bugen prendein nus encunter las annunzias entochen ils 25 da zercladur 2025 per telefon sut 081 920 88 00 ni per e-mail sin info@sagogn.ch.
Nus selegrein sin Vossa participaziun!
sagognturissem
Fiasta d’atun 2025
Sonda, ils 13 da settember 2025, naven dallas 10.00 uras, ha liug a Sagogn nossa fiasta d’atun tradiziunala cun marcau e grond’ustria da fiasta.
Schei surprender vus d’in marcau plein colur e d’in program da rama attractiv.
Nus giavischein a Vus ina biala stad e sperein d’astgar beneventar Vus a nossa fiasta d’atun.
sagognturissem
Til da latiarnas
Datum: Margis, ils 11 da november 2025
Liug da sentupada: Tier la gruppa da giug/Tegia Nordica, Sagogn
Temps: allas 17.30 uras
Dapli informaziuns anfleis Vus cheu.
Pro Sagogn