Empustaziun ieli da scaldar

/in /by

Proprietaris da casas che ston empustar ieli da scaldar, san far quei sur l’administraziun communala. Empustaziuns vegnan pridas encunter tochen ils 31-05-2024. Furnziun e facturaziun succedan sco tochen dacheu directamein entras il furnitur. Interessai san s’annunziar per telefon (081 920 88 00) ni mail (info@sagogn.ch).

Sagogn, 17.05.2024
Administraziun communala Sagogn

Damonda da baghegiar nr. 2024-04

/in /by

Gi da publicaziun:
Vendergis, ils 17 da matg 2024

Patrun da construcziun:
Arpagaus Leonora ed Enrico, Sagogn

Representant:
Casutt AG sanitär und heizung, Schluein

Object/adressa:
Parcella nr. 138, Via Puoz sura 1

Intent:
Remplazzament scaldament dad ieli entras pumpa da scaldar cun aria ed aua

Protestas:
Ils plans ein mess ora en canzlia communala. Protestas dil dretg public ein d’inoltrar a scret e fundau alla suprastonza communala enteifer 20 gis naven dil datum da publicaziun.

Sagogn, 17.05.2024
Suprastonza communala Sagogn

Dumbraziun dallas habitaziuns vittas digl 01 da zercladur 2024

/in /by

Las vischnauncas ein obligadas da registrar ed annunziar mintg’onn agl uffeci federal da statistica il diember da habitaziuns vittas. Tenor lescha ein ils proprietaris da casas e las administraziuns d’immobiglias obligai da collaborar cullas vischnauncas per quella dumbraziun.

Sco habitaziuns vittas resp. habitaziuns buca habitadas el senn d’ina dumbraziun valan tuttas habitaziuns mobigliadas ni nunmobigliadas che corrispundan allas suandontas cundiziuns:

  • Habitaziuns ni casas d’ina famiglia ch’ein buca occupadas ni habitablas il gi dalla dumbraziun (1 da zercladur) sco era
  • che vegnan offeridas il gi dalla dumbraziun (01 da zercladur) per l’affittaziun permanenta da silmeins treis meins ni per la cumpra.

Proprietaris ed administraziuns d’immobiglias che han igl 01 da zercladur 2024 habitaziuns ni casas vittas ein obligai d’annunziar quei tochen sil pli tard ils 24 da matg 2024 u telefonicamein (tel. 081 920 88 00) ni a scret cun e-mail (info@sagogn.ch).

Sagogn, 10.05.2024
Administraziun communala Sagogn