Contribuziuns per uniuns che promovan ils affons

/in /by

La suprastonza communala renda cheutras attent agl uorden davart il susteniment dallas uniuns che scoleschan e promovan ils affons dalla vischnaunca da Sagogn el sectur da sport e cultura. Affons e giuvenils denter 5 e 16 onns cun dimora ella vischnaunca da Sagogn han il dretg da far valer ina contribuziun da maximal 100 francs per lur uniun ni organisaziun. Nus rendein attent agl art. 5 digl uorden: “Mintgina e mintgin ch’ei autorisaus sa far valer il susteniment alla canzlia communala”. Las uniuns dueien annunziar lur affons cul formular “damonda susteniment d’uniuns”. Davos termin per l’annunzia ei ils 31 d’october 2024.

 

Sagogn, 11-10-2024                                                            Administraziun communala Sagogn

 

Formular -> damonda susteniment uniuns – Antrag Vereinsunterstützung

Sera d’informaziun gieviga, ils 24 d’october 2024

/in /by

La suprastonza communala Sagogn envida cordialmein ils habitonts da Sagogn ad ina sera d’informaziun. Quella ha liug gievgia, ils 24 d’october 2024 allas 20.00 uras ella halla polivalenta a Sagogn. Ils commembers dalla suprastonza sepresentan e datten informaziuns pertuccont lur ressorts e da suandontas tematicas:

  • Revisiun dil plan dil vitg
  • Stan actual e planisaziun dallas sanaziuns da vias

Ulteriuramein vegn Thomas Buchli, president dil cussegl d’administraziun dil Spital regiunal Surselva, a dar sco referent envidau informaziuns davart la situaziun e las finanzas dil spital a Glion.

Silsuenter ein tuts envidai cordialmain ad in apero, che vegn organisaus dall’uniun da giuventetgna Sagogn

 

Sagogn, 11-10-2024                                                                   suprastonza communala Sagogn

Tagliar caglias e plontas sper vias communalas

/in /by

Nus supplichein tuts proprietaris da schischom da tagliar anavos tuttas caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Ultra da quei supplichein nus era da risguardar, che las cazzolas da via ston esser libras da caglias e roma.

Nus supplichein privats, administraziuns e pedels da casas da vacanzas da mirar che quellas lavurs vegnien exequidas entochen ils 31 d’october 2024.

En cass che las lavurs vegnan buca fatgas, surprendan ils luvrers communals quei sin cuost dils proprietaris. Nus sereferin sin art. 58 e 61 dalla lescha da baghegiar communala, art. 687 CCS ed art. 76, al. 5 dalla lescha davart la planisaziun dil territori per il cantun Grischun.

Sagogn, 20-09-2024                                                    Suprastonza communala Sagogn