Archive for month: May, 2025

Sonda, ils 28 da zercladur 2025 haveis Vus la pusseivladad da visitar l’Alp da Sagogn (Alp Sogn Martin).

La posta parta allas 09:32 uras naven da Sagogn Vitg via Laax Murschetg entochen l’Alp Nagens (arrivada allas 10:10 uras). Persunas carschidas cun la carta da hosps da Flem Laax Falera ni cun ina carta d’indigens dallas vischnauncas Flem, Laax, Falera, Trin e Sagogn pagan il prezi da mesa taxa.

Naven dall’Alp Nagens viandein nus ensemen entochen tier l’Alp Sogn Martin (durada ca. 30 min). Suenter la visitaziun e declaraziun dalla cascharia, datti in pign  apero cun caschiel d’alp, vin e mineral. Vus astgeis era prender cun agen gentar, la pusseivladad da grillar ei dada.

Suenter il program ufficial ei il viadi anavos daus libers a mintgin. Ei dat p.ex. la pusseivladad da viagiar sur Nagens / Plaun / Flem ni cun la posta.

La visitaziun ha liug mo da bun’aura.

Cuosts
frs. 10.– / persuna per indigens e possessurs da cartas da hosps (excl. viadi cun posta)
frs. 20.– / persuna d’ordeifer (excl. viadi cun posta)

Annunzia
Bugen prendein nus encunter las annunzias entochen ils 25 da zercladur 2025 per telefon sut 081 920 88 00 ni per e-mail sin info@sagogn.ch.

Nus selegrein sin Vossa participaziun!

Cumissiun sagognturissem

Tut las uniuns ed organisaziuns dil vitg che vulan far diever da localitads dalla vischnaunca, vegnan envidadas da far lur reservaziun a scret tochen ils 13 da zercladur 2025. Il formular necessari sa vegnir cargaus giu dalla pagina d’internet.

Nus supplichein era ulteriuras organisaziuns che fan mo sporadicamein diever dallas localitads, dad indicar cul formular d’annunzia lur adressa tochen il termin sura numnau. Aschia sa l’administraziun communala contonscher cun diversas informaziuns tut ils utilisaders dallas localitads.

 

Sagogn, 23-05-2025                                                     Administraziun communala Sagogn