Sanaziun dalla via communala Via Fanaus
Ils 07 d’avrel 2026 entscheivan las lavurs da sanar la via communala. Ei vegn sanau igl entir corp dalla via cun tut las lingias. Las lavurs succedan en etappas. Ils proprietaris pertuccai vegnan informai en etappas davart las lavurs tut tenor progress dil project.
Tut tenor progress dallas lavurs ston singuls tschancuns da via vegnir serrai per il traffic mobilisau. A pei ei igl access tier las casas adina garantius. Duront las lavurs da sanaziun sa ei dar cuortas interrupziuns el provediment d’aua.
Il program da lavur vegn publicaus sin la pagina d’internet dalla vischnaunca Sagogn ed actualisaus tenor basegns. Nus supplichein da duvrar quella fontauna d’informaziuns.
Tgi che sa buca parcar igl auto avon casa duront la sanaziun da via ha la pusseivladad da far diever dils parcadis publics dalla vischnaunca duront quei temps. Cartas da parcar (max. 2 per casada) san vegnir retratgas tier la canzlia communala tenor informaziun preliminara entras la direcziun da construcziun (fegl sgulont en scaffa da brevs).
La vischnaunca Sagogn supplichescha per capientscha per las malemperneivladads che vegnan caschunadas entras las lavurs da construcziun.
Sagogn, 27.03.2026
Suprastonza communala Sagogn