Vischnaunca Sagogn, relaschada d’ina zona da planisaziun
A caschun da sia seduta dils 2 da zercladur 2026 ha la suprastonza communala, sebasond sigl art. 21 dalla lescha davart la planisaziun dil territori dil cantun Grischun (LPTGR), relaschau ina zona da planisaziun. Quella cumpeglia la zona da protecziun dil maletg dil vitg culs centers dil liug Vitg dadens e Vitg dado sco era niev la zona centrala. Gl’intent dalla zona da planisaziun ei d’examinar la planisaziun da furmaziun che risguarda la protecziun dil maletg dil vitg e dils objects sco era las finamiras da protecziun e da manteniment che stattan en connex cun quella.
Ella zona da planisaziun astga vegnir realisau nuot che savess difficultar ni impedir la planisaziun nova. Projects da construcziun astgan vegnir lubi mo, sch’els cunterfan ni allas planisaziuns ed allas prescripziuns cun vigur legala ni allas planisaziuns ed allas prescripziuns prevesidas (cf. art. 21 al. 2 LPTGR).
La suprastonza communala seresalva il dretg da concretisar resp. D’adattar da tut temps la zona da planisaziun al stan da planisaziun actual.
La zona da planisaziun vala naven dil datum dalla communicaziun dil relasch ad interim tochen ils 24 da fenadur 2028. La relaschada dalla zona da planisaziun sa vegnir contestada cun recuors da planisaziun tier la Regenza enteifer 30 dis dapi la communicaziun publica (art. 101 LPTGR).
Sagogn, 24-07-2026 Suprastonza communala Sagogn