La dumengia, ils 21 da zercladur 2026 meina l’uniun da gimnastica da dunnas Sagogn il Café Tegia a Sagogn. La tegia ei aviarta dallas 14.30 – 17.30 uras.
Tier buna vesta, ina bubronda ed in toc petta saveis Vus guder la dumengia il suentermiezdi.
Nus selegrein da Vossa viseta!
Sagogn, 19-06-2026 Uniun da gimnastica da dunnas Sagogn
Gi da publicaziun: Vendergis, ils 5 da zercladur 2026
Patrun da construcziun: Urs Tönz, Albulastrasse 13, 7000 Chur
Grundeigentümer: Vischnaunca burgheisa Sagogn, 7152 Sagogn
Object/adressa: Parcella nr. 1441, Tuora, 7152 Sagogn
Zona: Zona d’agricultura
Intent: Engrondir tumbin
Lubientschas supplementaras
che ston vegnir coordinadas: Uffeci pil svilup dil territori
Publicaziun: 05-06-2026 entochen 25-06-2026
Ils plans stattan sut www.ebau.gr.ch per investa a disposiziun. Protestas dil dretg public ein d’inoltrar a scret e fundau alla suprastonza communala enteifer 20 gis naven dil datum da publicaziun.
Sagogn, 05-06-2026 Suprastonza communala Sagogn
Sonda, ils 27 da zercladur 2026 haveis Vus la pusseivladad da visitar l’Alp da Sagogn (Alp Sogn Martin).
La posta parta allas 09:30 uras naven da Sagogn Vitg via Laax Murschetg entochen l’Alp Nagens (arrivada allas 10:10 uras). Ei dat negin transport da velos.
Naven dall’Alp Nagens viandein nus ensemen entochen tier l’Alp Sogn Martin (durada ca. 30 min). Suenter la visitaziun e declaraziun dalla cascharia, datti in pign apero cun caschiel d’alp, vin e mineral. Vus astgeis era prender cun agen gentar, la pusseivladad da grillar ei dada.
Suenter il program ufficial ei il viadi anavos daus libers a mintgin. Ei dat p.ex. la pusseivladad da viagiar sur Nagens / Plaun / Flem ni cun la posta.
La visitaziun ha liug mo da bun’aura.
Cuosts
frs. 10.– / persuna per indigens e possessurs da cartas da hosps (excl. viadi cun posta)
frs. 20.– / persuna d’ordeifer (excl. viadi cun posta)
Annunzia
Bugen prendein nus encunter las annunzias entochen ils 24 da zercladur 2026 per telefon sut 081 920 88 00 ni per e-mail sin info@sagogn.ch. Il diember da participonts e participontas ei limitada.
Nus selegrein sin Vossa participaziun!
sagognturissem
Era uonn porschan ils catschadurs dalla secziun Vorab als purs dallas vischnauncas Schluein, Sagogn, Laax e Falera il salvament d`anseuls-cavriel cun drona.
Naven dils 11 da matg entochen ils 30 da zercladur san ils purs annunziar lur parcella la sera avon entochen las 19.00 uras sin la numera da pichet 079 831 81 41.
Il vernderdis ei la centrala buca adina occupada. Ei vegn denton telefonau anavos.
Cordial engraziament per il sustegn.
gruppa da salvament d`anseuls
Igl onn 2007 han las suprastonzas communalas da Sagogn e Schluein relaschau il scamond d’access per parts dalla zona da schurmetg Musalet-Prau Grond e l’ogna ella Cauma da Schluein naven dils 15 d’avrel entochen ils 15 da fenadur. Quella mesira han ins introduciu per schurmegiar ils utschals rars che cuan en quei territori e sillas islas per liung il Rein.
Egl interess d’ina natira varionta ed intacta supplichescha la suprastonza communala la populaziun da respectar il scamond d’access. Fagei attenziun sils muossavias sillas sendas da viandar.
Sagogn, 10-04-2026 Suprastonza communala Sagogn
Vischnaunca Sagogn
Via Vitg dado 23
7152 Sagogn
Tel. +41 81 920 88 00
Fax +41 81 920 88 09
Mail: info(at)sagogn.ch
Numera da conto: 70-1118-6
IBAN: CH18 0900 0000 7000 1118 6
BIC: POFICHBEXXX
Gliendisgis, 09.00 - 11.00
Margis, 15.00 - 17.00
Mesjamna, 15.00 - 17.00
Gievgia, 15.00 - 17.00
Vendergis, 09.00 - 11.00