Obligaziun da far pumpiers 2027
Tenor lescha da pumpiers dalla vischnaunca da Sagogn ein per regla umens e dunnas cun domicil ella vischnaunca da Sagogn obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziuns executivas tier la lescha da pumpiers dalla vischnaunca da Sagogn entscheiva l’obligaziun da dar pumpiers egl onn, el qual il 21avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil en la vischnaunca CHF 350.—/onn. Tier domicil jamnil cun domicil cumplein munta la taxa da basa per la taxa da cumpensaziun CHF 150.—/onn. Tier arrivada ni partenza duront igl onn calendar vegn la taxa incassada pro rata tenor il cuoz dil domicil. Per dimorants duront l’jamna succeda l’incassament medemamein proporziunalmein tenor il cuoz dalla dimora.
Persunas che prestan gia survetsch e lessen pagar niev la taxa da cumpensaziun enstagl da prestar survetsch activ duein s’annunziar a scret entochen ils 15 da november 2026 tiel cumandant da pumpiers.
Persunas ch’ein obligadas da far pumpiers e che lessan prestar survetsch san emplenir ora il formular d’annunzia online silla pagina d’interent dalla vischnaunca Laax. www.laax-gr.ch/pumpiers (annunzia pil survetsch da far pumpiers).
Per ulteriuras informaziuns stat il cumandant da pumpiers, Gabriel Walser bugen a disposiziun. feuerwehr@laax-gr.ch
Ils 6 da november 2026 allas 20.00 ha liug la sera d’informaziun el deposit da pumpiers Laax. Leu vegn informau sur dallas incumbensas dils pumpiers. Vegni sperasvi!
Sagogn, 16-10-2026 Il cumandant da pumpiers