Appel als patruns da baghegiar a Sagogn
Cunquei che las annunzias tenor la lubientscha da baghegiar obligatorias vegnan buca adina inoltradas cumpleinamein entras ils patruns da baghegiar ni lur representanzas, s’adressein nus cun suandont appel a tut ils patruns da baghegiar.
Annunzias alla vischnaunca
Nus supplichein Vus da controllar, sche tuttas annunzias necessarias en connex cun Vies project da baghegiar (prender giu il profil da corda, prender giu la construcziun brutta etc.) ein vegnidas inoltradas cumpleinamein alla vischnaunca.
Cunzun tier las annunzias da finiziun da baghegiar existan actualmein aunc differentas pendenzas – ella procedura simplificada sco ella procedura ordinaria per la lubientscha da baghegiar. Perquei sco regurdientscha: Tenor art. 60 al. 2 KRVO ei la finiziun dallas lavurs da construcziun d’annunziar alla vischnaunca.
Duessen aunc annunzias esser pendentas, supplichein nus da tarmetter suenter quellas entochen sil pli tard ils 20 da settember 2026 per mail ad info@sagogn.ch.
Controllas da baghegiar e taxas
Suenter la scadenza da quei termin vegn la cumissiun da baghegiar a far controllas da baghegiar intenziunadas. Sche las annunzias necessarias ein buca succedidas, vegnan tenor art. 3a lit. e digl uorden da taxas da baghegiar communal dils 16 da december 2025 las taxas corrispundentas da 200 francs – per pretender suenter annunzias da baghegiar pendentas – messas a quen al patrun da baghegiar.
Scadenza lubientschas da baghegiar
Supplementarmein fagein nus attents ch’ina lubientscha da baghegiar tenor art. 91 al. 2 KRG scada, sch’igl ei buca vegniu entschiet cun las lavurs da construcziun enteifer dus onns dapi l’entrada en vigur legala ni sche projects da construcziun ein buca vegni cumpleni enteifer treis onns dapi l’entschatta dallas lavurs da construcziun.
Nus engraziein per prender enconuschientscha e per liquidar ad uras annunzias aunc pendentas.
Cumissiun da baghegiar Sagogn