Damonda da baghegiar nr. 2026-2380

/in /by

Gi da publicaziun:                                   Vendergis, ils 9 d’october 2026

Patrun da construcziun:                         Claus Bruder ed Andrea Frey, Via Caglia Liunga 12, 7151 Schluein

Representant:                                          Köhle Bedachungen AG, Via Santeri 77 A, 7130 Glion

Object/adressa:                                       Parcella nr. 137, Via Puoz sura 3, 7152 Sagogn

Zona:                                                        Zona da habitar 2

Intent:                                                       Sanaziun energetica dil tetg

Lubientschas supplementaras

che ston vegnir coordinadas:                Damonda da permissiun dalla polizia da fiug

Publicaziun:                                             09-10-2026 entochen 29-10-2026

 

Ils plans stattan sut www.ebau.gr.ch per investa a disposiziun. Protestas dil dretg public ein d’inoltrar a scret e fundau alla suprastonza communala enteifer 20 gis naven dil datum da publicaziun.

 

Sagogn, 09-10-2026                                                                       Suprastonza communala Sagogn

Contribuziuns per uniuns che promovan ils affons

/in /by

La suprastonza communala renda cheutras attent agl uorden davart il susteniment dallas uniuns che scoleschan e promovan ils affons dalla vischnaunca da Sagogn el sectur da sport e cultura. Affons e giuvenils denter 5 e 16 onns cun dimora ella vischnaunca da Sagogn han il dretg da far valer ina contribuziun da maximal 100 francs per lur uniun ni organisaziun. Nus rendein attent agl art. 5 digl uorden: “Mintgina e mintgin ch’ei autorisaus sa far valer il susteniment alla canzlia communala”. Las uniuns dueien annunziar lur affons cul formular “damonda susteniment d’uniuns” silla homepage dalla vischnaunca Sagogn. Davos termin per l’annunzia ei ils 31 d’october 2026.

 

Sagogn, 09-10-2026                                                                                Administraziun communala Sagogn

Provediment cun aua da beiber Sagogn

/in /by

Igl Uffeci per la segirezza da victualias e per la sanadad d’animals dil Grischun ha examinau sche las prescripziuns dalla legislaziun da victualias vegnan ademplidas. Las probas ein senza mendas. Il rapport d’examinaziun dils 24-09-2026 san ins clamar giu cheu ni retrer dalla canzlia communala.

 

Sagogn, 09-10-2026                                                                       Administraziun communala Sagogn